معلومات عن القطط

يا بنات اسمحولى اتكلم بالعاميه لان الموضوع دا مش منقول دى معلومات لاحظتها على قطتى (انا هتكلم عليها و هيا حامل)
القطط لما بتخش مكان اول مرة تروحو بتفضل تنونو و بتخش كل الاماكن اللى فى البيت و بتدور على اريح مكان ليها
و فى الايام الاولى من الحمل تكون طبيعيه لكن لما يبدا يتكون الجنين بتكون غير مرتاحه و بردو بتنونو و بتبقى حريصه جدا فى تحركاتها و لما يقرب معاد الولادة بتتجنب النوم على بطنها و بتنام كتير و شهيتها بتتفتح و تزيد نونوتها لانها بتكون حاسه بأولادها فى بطنها و بالبلدى كدا بيكون خلقها ديق مبتحبش حد يقرب منها او يحسس عليها او يشيلها و لما يحى معاد الولادة تلاقوها بتدور على مكان مظلم و دافئ و بعيد عن الانظار و لما تلاقى المكان بتروح لحد من سكان البيت تكون واخده عليه و تفضل تتمسح فيه و معناها يعنى عيزاه يداعبها و يحسس عليها و لو بعد عنها تجرى وراه و بعد كدا تروح على المكان اللى قررت انها تولد فيه و يبتدى نفسها يزيد و تتنفس بسرعه جدا و تفضل فاتحه بقها و ينزل العيل الاول تبدا بتنظيفه ثم تنزل العيل التانى تنظفه ايضا و هكذا ثم بعد ان تنتهى من تنظيفهم تاكل ما يتبقى من عمليه الولادة و هذا يعتبر قيمه غذائيه عاليه بالنسبه اليها ثم تجلس بجانب ابنائها لتشعرهم بالامان و القطط المولوده دايما تنزل عنيها مقفوله بعنى الجفنين بتوع العين ملتصقينو لهذا لا تستطيع الرضاعه لانها متعرفش ازاى ولا تعرف مين مامتها ولا عارفه هيا فين و تقريبا بتكون متخيله انها لسه داخل بطن مامتها فعليك ان تمسكها و توجهها الى بطن مامتها حتى لا تموت و مرة بعد مرة هتعرف لوحدها و تعرف ريحه مامتها و تتتبع رائحه مامتها و تفضل تحسس على بطن مامتها حتى توصل الى مكان الرضاعه و بعد مرور 10:15 يوم تبدا عينهم تتشقق و يفتحون و بعدها يعرفون مامتهم
انا معرفش ايه اللى هيحصل بعد كدا لما يكبرو هبقا اقلكم على الاخبار هما يا دوب فتحو و عرفو مامتهم
انتظر ردودكم و انتظرو منى الباقى[/font]

انا عارفه انا عارفه انا بحاول اثقفكم بحاول افيدكم بمعلوماتى هههههههه

كل ده لاحظتيى فى القطة بتاعتك انتى مش وراكى حاجة غيرها و لا ايه؟